Félagarnir Nökkvi Sveinsson, Óskar Bragi Sigþórsson og Þorvaldur Ingimundarson höfðu lengi leitað að tækifærinu til að opna bílaþvottastöð á höfuðborgarsvæðinu. Bílaþvottastöð sem byði upp á gæði, tækni og þjónustu í fremstu röð og stæðist samanburð við það besta sem þeir höfðu kynnst erlendis. Þurfti þá aðallega tvennt að koma til, hentug staðsetning og framleiðandi sem uppfyllti framangreind skilyrði. Þegar þetta small svo saman, opnaði bílaþvottastöðin Skín að Dalshrauni 8 í Hafnarfirði, við hliðina á RB Rúm, sumarið 2026.  Stöðin sjálf kemur frá þýska framleiðandanum WashTec sem hefur sérhæft sig í búnaði fyrir bílaþvottastöðvar í rúma sex áratugi og leiðir markaðinn.